Ahaztuakek omenaldia egin die Busturian frankismoak fusilatuei

Eitb.com, Erredakzioa, 04/08/2012 17:15:00

Martxelo Alvarez Ahaztuakeko kidearen hitzetan, garrantzitsua da hilketen onarpenarekin ez konformatzea eta haratago joatea.

Bideoa Frankismoaren biktimei omenaldia egin diete Busturian

Ahaztuak elkarteak omenaldia egin die Busturian frankismoan fusilatutako gudariei, milizianoei eta gainontzeko biktimei.

Omenaldian lore-eskaintza egin dute Ispiluetako plazako monolitoan. Ondoren, herriko frontoian, Francoren zenbait biktimek hitz batzuk esan dituzte bildutakoen aurrean.

Larunbat honetan, 75 urte bete dira Busturian hainbat pertsona fusilatuta hil zituztenetik. Frankismoko biktima guztiak omentzeaz gain, Franco generalaren erregimenaren ibilbidea eta ondorioak nabarmendu dituzte.

"Haratago joan behar da"

Martxelo Alvarez Ahaztuakeko kidearen hitzetan, garrantzitsua da hilketen onarpenarekin ez konformatzea eta haratago joatea.

Larunbatekoa ekitaldi nagusia izan da, biktimen omenez asteburu osoan egingo direnen artean.